سەکۆی ئازادی هەولێر

نزاو سلاو بۆ گیانی پاکی :سلاح سەید سابیر

بەداخوو پەژارەیەکی زۆرەوە، کەسایەتی کۆمەلایەتی خۆشەویستوو پاکوو ماندوونەناسی شاری هەولێر کاک سلاح سەید سابیر، کە دەکاتە برای سەید موزەفەر (نەرویج) باوکی کاکە شەماڵ و شوان و ڕێباز,  دوای شەڕێکی درێژخایەنوو سەخت لەگەڵ نەخۆشی ، دوێنێ شەو لە یەکێ لە نەخۆشخانەکانی شاری هەولێر، دڵی گەورەی لەلێدان کەوت، کۆڵی شەکەتوو ماندووی لەتۆزوو خۆڵی ژیاندا داتەکاند، تێکەڵ بە کاروانی ئارامی نەمران بوو ، ماڵ ئاوایی لە ژیان کرد،لەئارامگای تاهەتای خۆیدا ڕاکشا، بۆ هەمیشە یادوو بیرەوەرییە خاکییەکانی  لەناو دڵی هاوڕێیانوو ئازیزانی زیندوو دەمێنێتەوە ، پرسەو سەرەخۆشی لە  هەموو کەسوکاری ئازیزوو برادەرانی سەید سلاح دەکەین، لە کانگای دڵەوە هاوخەمتانین، هیوای سەبووری و دڵنەواییتان بۆدەخوازین.

سەکۆی ئازادی هەولێر

پەرسە

سەکۆی ئازادی هەولێر

هاکەرزە ئەردۆزنەکان

تورکیا بەمێژووی خۆی لایەنگیری هەموو هێزێکی کۆنە خوازوو بنەماڵەیی کردووە ، بە جەندرمەو بە بالەفڕی جەنگی خۆی هەمیشە هاوکاروو هانا بووە بۆ ئەو عەشرەتە حزبانەی کە سەرکوتی بزاڤی ئازادی خوازی کورد دەکەن، وەک کۆنترا گریلا کەڵکیان بۆی هەییەو بەبەردەوامی پێگەو جێگەیان بنەبانی عەتەبەو پایەگاکانیانن، بۆ ماچ کردنی شیپانی کەمالیزم لە سڕەدانە، ئەردۆگانییە کەمالستەکان بەسەخاوەتەوە یارمەتی تەکنیکی مێدیا لایەنگیرەکانیان دەدەن، سەرۆک عەشرەتە سیاسییەکان قاچێکیان لە ئەنکەرەیە و یەکێکیشیان لە هەولێرە، بە ئاشکراو بە نهێنی هەولی خۆشکردنی نێوانییان دەدەنوو حیساب تەنها بۆ هەستی کوردەکان ناکەن، لە کاشی توالێتەوە تا ماستوو ساقزی ولاتمان مارکەی تورکی پێوەیەو بۆمان ناخوێندرێتەوە، تەنانەت ڕابواردنوو نۆشوو نەشئەی پارەداروو سەرکردە سەربازییە ماندووەکان، هەمووی لە کارخانەو قومارخانەکانی ئەوێیە، نازانم بۆ هاکییان دەکەنوو ئالاکەیان بەجێدێڵن وەک نیشان، توبڵێی ئەمەش سیاسەتێکی ناڕاستەوخۆ نەبێ بۆ گەمە کردن بە عەقلی خەلک، تا بە کوردایەتی و خەباتێکی نوێی ناو پاکەت حیسابکرێ بۆیان. خودی ئەم جۆرە ماڵپەڕانە، ژمارەی خوێنەریان دیاریکراوە، مەگەر ئەم جۆرە هەواڵانە ببێتە هۆی سرنجڕاکێشانی خوێنەربۆی.سەبارەت بەئەڵتەرنەتیڤی سیمبوولی ڕەگەزپەرستانەیان، دیارە ئالای گەورەتر لەمەی هاکەرز لە دهۆکوو هەولێر هەییە خوێنەری خۆشەویست توبڵێی ئەم تورکە ئیستەمبۆلیانە بۆ کاتی خۆیان بەمەوە بەفیڕۆدەدەن.

سەرچاوی هەواڵ:

 http://www.hawlati.co/babetekan/11940
هەڤاڵ سەید حەسەن

سەکۆی ئازادی هەولێر

لەیادی داستانی سەری ڕەش
سەید کەمال کاکل قراتەسۆرانی
نەبەردی سەری ڕەش، داستانێکی سەختوو شەڕێکی پارتیزانانەی سەرکەوتووی لەبیر کراوە..لە سەردەمی شۆڕشی نوێدا تاکو کۆی خەلکی بەشدار شانازی بە ڕۆڵی خۆیان دەکەن، بەڵام ئەوەی جێگەی پرسیارە بۆ یەکیەتی ئەمڕۆ نایپەرژێتێ و زاتی گێڕانەوەی ئەم مێژووەی نییەو نایخاتە نێو ئەرشیفی مێژوو، بەدیاری کراوی بۆ ئێمەی بەشداری ئەوساو ئێکسپایەری ئەمڕۆ(بەگوێرەی بۆچوونی ئەوان) تۆزێ دڵی پێخۆشکەین. ئاشکرایە کە خەڵکانێ تەمەن، ژیان، هەموو بوونی فیزیکی و ڕۆحی خۆیان لەوپێناوەدا دانا، بەسەخاوەتوو بەخشندەیی لەخەباتێکی تووندوو شێلگیردابوون، هەر لەگەڵ بەهاری ڕاپەڕینی ساڵی ٩١، ئاوابوو ئەو مێژووەش بە دەلاقەی تاریکی بیرچوونەوە سپێردرا، مزاشی باشوو خەراپ، جاشوو پێشمەرگە بوون بە تۆمارێکی کاڵووکرچی نێو کایەی ژیان، لەبەر بەرژەوەندی بنەماڵەیی، شارچێتی، بەخاتری مسۆگەرکردنی پارەو دەستەلاتی زیاتر، جاشوو جاسوس نەما ڕەپێشی خەلکە باشوو بەشەڕەفەکەی نەدەن، هیوادارم لێکدانەوەتان ڕاستبێ و مەبەستم شڕەفی بەشداریی و بەرخودانە لەپێناو ئازادی و سەربەخۆیی. یەک پاکانەم بۆیان هەیە کە ئێمە کەڵکوو بابەتێک نین بۆ ئەوان، ئەوان خەڵکانێکی بڕکاوو کەسایەتی کۆیلەوو بێقڕەو بێ بۆچوونیان دەوێ. بەهەرحاڵ بابێمەوە سەر ناوەرۆکی بابەتەکە، داستانی یەکشەوەی ئازادی سەری ڕەش لەڕۆژی ١٨ / ١ / ١٩٨٨، بەبەرنامەیکی وردوو ڕێک، بەهێزێکی خاوەن ویستی زەربەدان لە حکومەتی فاشی ئەوسا، خاوەن دسپلین، شەڕگە لەنێوان تیپەکان بەشکرابوو، نهێنی شەو ناوی شەهید ( عەلی مەسیفی) بوو، دەمی پەلاماردانیش کاتژمێری ١٢ ی شەو بوو.لەگەڵ سەرماوسۆڵوو سەقەمی ئەو شەوە، بەڵام پێشمەرگەکان زۆر بەورەوو دڵگەرم بوون بۆ ڕووبەڕووبوونەوەو شەڕکردن لەگەڵ دووژمن. لەو هێڵە پەلامارەی بۆ ئێمە دانرابوو شوێنی ڕادار بوو ٢٠ سەربازی عەرەبی تیابوو، لەگەڵ پەلاماری چاوەڕوان نەکراودا کۆتایی بە بەرگری هێزەکانی دوژمن هێنراوو،  شەهید هاشم شەمامکی و عومەر ناسڕ سەرپەرشتیان دەکرد وەک فەرماندەی کەرتی ٣ و کەرتی ٦  ی تیپی ٨٧ ی قەرەچوغ. دوای ئەنجامدانی چالاکییەکە، رێگەی گەڕانەوە لەگەڵ ئەوەی ڕوو بەرەو نشێوی بوو لەسەرەتادا، بەڵام بەهۆی باری قوڕسی چەکوو فیشەگوو دەستکەوتەکانی تر، پێشمەرگە هەبوو سێ چەکی هەڵگرتبوو، برسێتی و سەرماو بەفر تاوی بۆ هەمووان هێنابوو، ٦ پێشمەرگە لەم کەشوو زەرفییەتەدا گیانیان لەدەستدا، ناوی سێانم لەیاد ماوە: شەهید جەمالە ڕەش، شەهید وریا برای شەهید ئازاد قولی، شەهید هاشم نادر. بەداوای لێبوردن لە کەسوکاری ئەوانەی کە ناویانم بیرنەماوە لەم هەندەرانە گەلێجار زاکیرەم هاوکاریم ناکات.بەلام لەخوێنەرانی خۆشەویست ناشارمەوە کە ئەوساش هەر خزم خزمێنەو مەسئول پەرستی بوونی هەبوو، ئەوانەی کە نە بریندار بوون نە کەوتبوونە ناو بەفر، هەندێ خۆیان بەوانەوە خەریککردبوو بارسوکیان بۆ دەکردن، ئەوساش دونیا هەر پڕ لەناهەقی بوو، بەلام وەک ئەمڕۆ بەزەقی دیار نەبوو، لەبەر سەختی ژیانوو شەڕوو نەبەردی بەردەوام فریای زۆر شت نەدەکەوتن پێشمەرگەکان.

سەکۆی ئازادی هەولێر

 ئازاری‌ ئازادی‌

محمد ئیبراهیم  

هه‌موو مێژوو سه‌یر بكه‌ی‌ كه‌سانێك هه‌بوونه‌ كه‌ رێگریان له‌ ئازادی‌ و ئازادی خوازان كردووه‌ بۆ ماوه‌یه‌ك توانیویانه‌ كه‌ به‌ هیزی یان پلانێك یا به‌ قسه‌ی‌ نه‌سته‌ق و فه‌لسفه‌یه‌كی‌ دوور له‌ واقیع بینانه‌ خه‌ڵكی‌ ئازادی‌ خواز بخه‌له‌تێنن و درێژه‌ به‌ ده‌سه‌لاَتی‌ خۆیان بده‌ن بۆ ماوه‌ییه‌كی‌ درێژتر فه‌رمانره‌واییان به‌سه‌ردا بكه‌ن و درێژه‌ به‌ ده‌سه‌لاَتی‌ خۆیان بده‌ن،
به‌لاَم سه‌ره‌نجام له‌ كۆتایدا خه‌ڵك و ئیراده‌ی‌ به‌ش مه‌ینه‌ته‌كان پشت گووی‌ خراوه‌كان هاتۆته‌ مه‌یدان و ئیدی‌ ووشه‌ی‌ نه‌خێری‌ بۆ ده‌سه‌لاَته‌كان به‌كار هێناوه‌ته‌وه‌ به‌رگرییان له‌ مافی‌ خۆییان كردووه‌ به‌ره‌نگاری‌ فرمانه‌كانیان كردوون كه‌ زه‌وتی‌ ئازادیان لێیان كردبوو، من ده‌مه‌وێت بچمه‌ سه‌ر ناوه‌رۆكی‌ بابه‌ته‌كه‌م  ئه‌ویش باسی‌ ئه‌م كوره‌ ئازادی‌ خوازه‌ بكه‌م (زه‌رده‌شت عوسمان)كه‌ ویژدانم قبوڵی‌ وه‌ها تاوانێك ناكات كه‌ له‌ ئاستی‌ دا بیده‌نگی‌ بكرێت ئه‌گه‌ر چی‌ دره‌نگیشم كردووه‌ به‌لاَم له‌به‌ر ئه‌وه‌ی‌ پاش ئه‌وه‌ی‌ من ته‌واو له‌ بابه‌ته‌كه‌ تێگه‌یشتم وه‌ بنه‌ماڵه‌كه‌ ی‌ رۆژنامه‌نووسی‌ كۆچ كردوو كه‌ برایه‌كیشی‌ له‌ خویندا له‌گه‌ڵ من بوو به‌یه‌كه‌وه‌ بووین زانیاری‌ ته‌واویشم هه‌بوو له‌وه‌ی‌ كه‌ ئه‌مان به‌ شاهیدی‌ خه‌ڵكی‌ دوور بوون له‌ هه‌موو ده‌ست تیوه‌ردانێكی‌ ئه‌م تۆمه‌تانه‌ی‌ كه‌ بۆ ئه‌م بنه‌ماڵه‌ زۆر پاكه‌ درووست كرا له‌ به‌ناو لێژنه‌ سینارێۆكه‌ی‌ كه‌ هیچ ئاقڵێك و مرۆڤیێكی‌ ویژدان زیندوو باوه‌ڕی‌ پێ‌ ناكات به‌ وه‌ها قسه‌یه‌كی‌ خه‌له‌تێنه‌ر.
 من زۆر  زۆرم لا سه‌یر به‌رده‌وام له‌گه‌ڵ خۆم قسه‌ ده‌كه‌م و ئاخاوتن ده‌كه‌م،
كه‌ له‌ ناو جه‌رگه‌ی‌ ئه‌م پایتخته‌ی‌ هه‌ولێره‌ی‌ كه‌ خۆیان ده‌ڵێن ئارامه‌و شامی‌ شه‌ریفه‌! چۆن كه‌سێكی‌ خوێندكاری‌ زانكۆیی‌ ده‌به‌ن و به‌ سایه‌ره‌یكی‌ ژماره‌ كاتی‌ دهۆك! باشه‌ هیچ كام له‌ پۆلیسه‌كان كه‌ له‌وێ‌ بوونیان هه‌بوو نه‌یان تووانی‌ ژماره‌كه‌ بنووسن و ئه‌زبه‌ری‌ بكه‌ن هی‌ ئه‌م ئوتومبیڵه‌ی‌ یان پێشووتر ئاگه‌دار كرابوونه‌وه‌ له‌ روودانی‌ وه‌ها كارێك و وه‌ ده‌بێت بێده‌نگی‌ لێبكه‌ن و ئه‌گینا ئه‌مانیش به‌ هه‌مان كاره‌سات ده‌مرن كه‌ زه‌رده‌ششتی‌ پێ مرێنرا !!!!!كه‌واته‌ ئێمه‌ی‌ دانشتووی‌ هه‌ولێر ده‌بێت یان برۆیین ئێره‌ به‌جێ بێڵیین و برۆیین چونكه‌ شار ئارام نیه‌ وه‌ك و ده‌ه‌ڵێن ئارامه‌ یان هه‌موو ساتێك ده‌بێت چاوه‌رێ مه‌رگمان بكه‌ین و له‌پڕێك بمان كوژن.   

سەکۆی ئازادی هەولێر

تارماییەکانی پشت کێڵ، گەمانی سەر قەبران، ئەو شوێنەی کە بۆتە ماڵوو سەرپەنا بۆ هەژاروو بێ ماڵەکانی وڵات، لەوێ لەنێو هەستێکی دووروو وێڵوو نا ئاشنا بە ژیانی مۆدێرن، لەوێ لەگەڵ تارمایی و سێبەری ئەو کۆتەڵەی کە دەیانترسێنێ بەشەو، بەڕۆژ لەگەڵ هەڵهاتنی خۆر، ئەوێش دەبێ بەماڵی کاسپەروو هەریپۆتەری سەد ڕەنگوو خەیاڵی چاوشیلکانێی گەشی مناڵە بێنەواکانی پایتەخت. لەوێ لەنێو گڵکۆکانی بێرکۆت کە بیر کۆتوو گۆت دەکات، هەموو خەرمانی شۆڕش  دەکوتێ و کتووکۆری دەکات، دەبێ بە تۆزی پوشێکی سوتۆکوو بێ خۆڵەمێشوو بێ خەرمانوو بێ ئەسەر، مەلاکانی کۆنو و مامۆستاکانی شۆڕشی نوێی تیادا ڕوو ( زەردوو سەوزی ) خەجاڵەتیوو شەرم دەبێ،  ئاشنابوون بە گۆرانیی و خەونەکانی پشت کێڵە قەبرەکانی پۆست کۆنسەرڤاتیڤ، پۆست دزە مۆدێرنەکانی نوێ خواز، فشەکەرەکانی دوونیای سیاسەتوو ڕابواردنوو گاڵتەی قەدەروو چارەی تازەی ناو دیوەخانوو دەستەی ڕامکراوی ماکتی سەری ڕەشوو سمێڵی ڕەشوو قەڵاتی مێردەکانی نێو چۆڵەوانی ئامێزی تارماییوو تەواوی ئاقاری دزان، پڕۆژەی ماستەر پلانی دوای نەمانی دیکتاتۆر، نەوەی تازەوو نوێی ناو قەبرەکانی لەگەڵ خۆی هێناوە، ئاشنایە بە ژێ زبروو گڕوو گریاوەکانی دوور، ئاشنایە بە تارمایی شەوو کێڵە زۆرەکانی باخی ئەزەلوو غەزەلی ئەوینی بێکۆتا، وا لەنێو گڵکۆ، لەنێو دووتوێی کیتابەکانی زانکۆ، لەنێو لاپەڕەکانی قورئان، بەڕاشکاوی بۆتە بەڵگە بۆ ماڵی تازەی مجێورە مەزاق خۆشوو بە هەوەسەکانی نێو خۆڵەپۆت، مزاشی دیموکرات خوازوو مارکسیستە لینینستە نیمچە ماویستەکانی دوونیای ئەمڕۆی سۆسیال دیموکرات، تەفسیری تازەی نوێخوازانی بەهەشت،بۆ تەئویلی ئایەتە نوێکانی دونیای ئیسلامی تازەگەروو لیبڕاڵی نێو خەتمی قەبرستان. بۆچوونەکانتان، پێشگۆییەکانتان، ئەمڕۆ سیحری بەتاڵی ناو قەبرستانە،هەموو هونەرەکەتان ئەوەبوو کە مردووەکان بەهانای زیندووەکانەوە بێن، بۆیە ماڵ لە ئاوەدانی دوورکەوتەوە، مناڵەکانیشمان بوون بە مجێور. وا لەوێ چاوشیلکانێ لەبەینی کێڵە کۆنوو نوێکان دەکەن.

هەڤاڵ سەید حەسەن

سەکۆی ئازادی هەولێر

تارماییەکانی پشت کێڵ

مناڵانی نێو قەبر، قەبرستان ئەو شوێنەییە کە بۆتە ماڵ بۆ هەژاروو بێماڵەکانی وڵات، لەوێ لەنێو هەستێکی دوور، لەوێ لەگەڵ تارمایی و سێبەری ئەوەی کە دەیانترسێنێ بەشەوو بەڕۆژ لەگەڵ هەڵهاتنی خۆر، ئەویش دەبێ بەماڵی کاسپەروو هەریپۆتەری سەد ڕەنگوو خەیاڵی گەشی مناڵە بێنەواکانی پایتەخت. لەوێ لەنێو گڵکۆکانی بێرکۆت کە بیر کۆت دەکات، هەموو خەرمان شۆڕش دەبێ بە پوشێکی سوتۆکوو بێخۆڵەمێشوو بزر لە ژیانا، مەلاکانی کۆنو و مامۆستاکانی شۆڕشی نوێی تیادا ڕوو ( زەردوو سەوزی ) خەجاڵەتی دەبێ،  ئاشنابوون بە گۆرانییەکانوو خەونەکانی پشت کێڵە قەبرەکانی پۆست کۆنسەرڤاتیڤ، پۆست دزە مۆدێرنەکانی نوێ خواز، فشەکەرەکانی دوونیای سیاسەتوو ڕابواردنوو گاڵتەی قەدەروو چارەی تازە، ئەوە ماستەر پلانی دوای نەمانی دیکتاتۆرە، ئەوە نەوەی تازەوو نوێی ناو قەبرەکانە، ئاشنایە بە ژێ گڕوو گریاوەکانی دوور، ئاشنایە بە تارمایی شەوو کێڵە زۆرەکانی باخی ئەزەلوو غەزەلی ئەوینی بێکۆتا، وا لەنێو گڵکۆ، لەنێو پەڕی کیتابەکانی زانکۆ، لەنێو قورئان، بەڕاشکاوی بۆتە بەڵگە بۆ ماڵی تازەی  تێگوشی دیموکرات خوازوو مارکسستە لینینستە نیمچە ماویستەکان، بۆ ئایەتە نوێکانی دونیای ئیسلامی تازەگەروو لیبڕاڵی نێو خەتمی قەبرستان. بۆچوونەکانتان پێشگۆییەکانتان ئەوەبوو کە مردووەکان بەهانای زیندووەکانەوە بێن، بۆیە ماڵ لە ئاوەدانی دوورەوو مناڵەکانیشمان بوونە بە مجێور.
هەڤاڵ سەید حەسەن

سەکۆی ئازادی هەولێر

بێ دەنگی چارەی گرفتەکانت ناکا، بەڵکوو ئاڵۆزتری دەکا.

هەڵگەڕانەوە لە هەڵە شتێکی باشەو بەجێیە، هیچ عەیبێکی تیا نییە،  خۆت ڕاستکەوە ناخت دەوڵەمەندکە، لەهیچ مەترسە، بوێربە وەک خۆت،  سەردانی هەموو کەس کە، خۆشەویستی خۆت دەربڕە بۆ خەڵکوو ئاشنا، بنووسە،  قسە بکە، هاوارکە، بە بوونی تۆ، هەڵوێستی تۆ، ڕاستییەکان دەنگی دەبێ. هەموو شتێ عەیب بێ گوتنی ڕاستی هیچ نەنگی و شەرمێکی تیا نییە، بەڵکوو سەربەرزییە شانازییە، گوێگرتن بەسنییە، قسەو مایک ئازادیش بێ بۆ تۆی بوێر، قسەو باسی پشت مایک کەمەو هیچ بەس نییە، باشەو جوانی دەبێ دەرکەوێ،ڕۆڵی ژێربەژێر و شراوە کەس تێی ناگات، نەنگییە، هیچ بایەخێکی زانراوو هەست پێکراوی نییە، باری ئەمڕۆی پێ ناگۆڕێوو قەت بەس نییە. بزاڤی تۆ هەموو شتێکە، هەڵمەتت بێ، بڕۆ بۆ پێش، لە ڕووا کاری تۆ دیارە، جوانی تۆ لەژیانایە، دەنگ هەڵبڕە، خۆت پێشاندە، تۆ هەموو تەمەنت وەک ئەمڕۆ بێ، هەر ئێستا بمری  باشترە تر. سواڵ بۆ زەلیلی و بێحورمەتی و بێمافی ناکرێ، بوونی ئێمە تێکەڵ بە ڕەقی ڕاپەڕینوو سەڵای ئازادی و سەربەرزییە،  خوندکاروو مامۆستا و محامی و ئەندازیاروو مەلا ، بازرگانوو خاوەن پیشەو کاروو کاڵا، هێزێکی گەورەوو بەهێزن، سەربەخۆیی، دادوەری، ئازادی بەشێکە لەبوونوو ڕێزت. بایەخ بەخۆتدە کەس لەجیاتی تۆ مان ناگرێ. شۆڕشیش وەک مۆسیقا هونەرە. تۆ ژەنیاریوو داهێنەری، بزاڤت بێ و خۆت پێشاندە.